Иманғали Нұрғалиұлы Тасмағамбетов (9 желтоқсан 1956 жыл, Махамбет ауданы, Гурьев облысы) — қазақстандық мемлекет және қоғам қайраткері, дипломат, 2023 жылдан бастап ҰҚШҰ Бас хатшысы. Тасмағамбетов — философия ғылымдарының кандидаты, саясаттану ғылымдарының докторы. Иманғали Тасмағамбетов 2002–2003 жылдары Қазақстан премьер-министрі, 2004—2008 жылдары Алматы әкімі, 2008—2014 жылдары Астана әкімі, 2014–2016 жылдары Қазақстан Қорғаныс министрі, ал 2017–2019 жылдары Қазақстан Республикасының Ресей Федерациясындағы төтенше және өкілетті елшісі болған.