«Барыс» - Қазақстанның Астана қаласынан шыққан хоккей командасы. Шығыс конференциясының Чернышёв дивизионында Континентальды хоккей лигасында өнер көрсетеді. «Барыс» Қазақстан ұлттық хоккей құрамасының базалық клубы болып табылады. 

Клуб 1999 жылдың 26 қарашасында құрылды. Құрылғалы бері 2009 жылға дейін «Барыс» Қазақстан чемпионатында өнер көрсетті. Команда ұлттық чемпионатты 2008 және 2009 жылдары екі рет жеңіп алды. 2004 жылы команда Ресей чемпионатының бірінші лигасына қабылданды. 2007 жылы «Урал — Батыс Сібір» аймағында жеңіске жеткен команда Ресей чемпионатының жоғарғы лигасына жолдама алды. Бір маусымнан кейін «Барыс» 2008 жылы Континентальды хоккей лигасына қабылданды.