Алматыда қазақ композиторы Нұрғиса Тілендиевтің құрметіне ескерткіші ашылды
19 сәуір 2024
Алматыда қазақ композиторы, Халық Қаһарманы, Қазақстан Республикасы Мемлекеттік сыйлығының лауреаты, дирижер Нұрғиса Тілендиевтің ескерткіші ашылды. Нұрғиса Тілендиев Абай атындағы Қазақ опера және балет театрының (1953-1961), Құрманғазы атындағы Қазақ мемлекеттік академиялық халық аспаптары оркестрінің (1961-1964) және оның ұйымдастыруымен «Отырар сазы» халық аспаптар оркестрінің (1981-1998) бас дирижері болды. Ол әртүрлі жанрдағы 500-ден астам музыкалық шығармалардың авторы: әндер, күйлер, романстар, увертюралар, поэмалар, кантаталар, опера, балет және т.б. Ол 40 пьесаға және 20-дан астам фильмге музыка жазған.
