«Менің Қазақстаным»: Балалар бос уақытын тиімді өткізетін жоба ашылды

Ұлттық музейде балаларға арналған тиімді әрі қызықты мәдени-оқыту экпозициясы ашылды. Авторлар бұл жобаны «Менің Қазақстаным» деп атаған. Экспозицияға келген балалар мұнда археологиялық қазба жұмыстарын өздері өткізіп, қазақтың асүйімен таныса алады, ұлттық ойындар ойнап, қазақтың салт-дәстүрлері туралы баяндайтын роликтерді тамашалайды. Экспозициялық жобалар балаларға көне заттарды өз көздерімен көріп, оларды қолмен ұстауға мүмкіндік береді. Бұл – балалардың өз халқының тарихы мен мәдениетін жақсырақ тануға арналған жоба.